جريدة ميدان التحرير - متابعة* - 22 سبتمبر 2014 الساعة 8:42 صباحاً

نعي الممثل أحمد حلمي ، النجم الكوميدي يوسف عيد الذي توفي منذ ساعات.

و قال حلمي عبر صفحته الرسمية علي موقع فيس بوك ": حوار سمعته في يوم من الايام بين اتنين : الاول : عارف الفيلم اللي اسمه .. اسمه .. مممم .. التاني : اسمه ايه ؟ ..الاول : هافكرك بيه .. اللي هوه كان يوسف عيد بيقول فيه اضربك فين ؟ وشك مافيهوش مكان .. التاني : ااااااه .. ده اسمه جعلتني مجرما .. لما الناس تفتكر اسم فيلم من جمله او افيه قالها ممثل جوه الفيلم ساعتها لازم تؤمن ان الممثل ده عنده حضور وكاريزما عاليه .. وان الناس بتحبه .. ده كان يوسف عيد الله يرحمه .. بمجرد انك تشوفه لازم تبتسم .. تضحك حتي لو مقالش ولا كلمه .
واستطرد حلمي قائلا : المشهد اللي فيه الآستاذ يوسف كان دايما بيضيف بسمه وضحكه لاتنسي .. وكانت الناس احيانا بتفتكر اسم الفيلم من افيه قاله يوسف عيد".