جريدة ميدان التحرير - متابعة* - 29 نوفمبر 2015 الساعة 8:18 مساءً

قال الإعلامي سيد علي، اليوم الأحد، إن هناك محاولة جديدة لإعادة رموز ثورة 25 يناير لتصدر المشهد، مضيفًا: «بدأوا يتجملوا ويعيشوا الدور».

وتابع علي، خلال برنامجه «حضرة المواطن»، عبر فضائية «العاصمة»، «الزميل يسري فودة متخرج من كلية الإعلام، وله مشوار مهني، من (بي بي سي) إلى (الجزيرة) إلى (أون تي في)، ولكنه عرض في برنامجه (آخر كلام) مواضيع غير مهنية بالمرة، زي اللي عمله مع الفريق أحمد شفيق (رئيس الوزراء الأسبق)، وجاب أطفال صغيرين وقعدوا يقولوا (يسقط حكم العسكر)، ولما جاب بنت قالت إن الشرطة ضربتها، و6 إبريل قالت إنها مش تبعهم ومحدش ضربها، وغيره وغيره».

واستطرد: «يسري عمل حاجات كتير ممكن أفتكرها، لكن اللي مش ممكن أنساه إنه بيقول إن مفيش ثورة غير 25 يناير، وإن 30 يونيو مش ثورة، وإن في ثورة جاية، مش إنت يا يسري اللي قولت إن الرئيس السابق حسني مبارك حبه رشق في قلبك، نسيت ولا إيه، وإنت اللي قولت إنه يكفي البلد إن فيها 2 شرفاء وطنيين زي شفيق وعمر سليمان، مش حضرتك اللي قولت كده برده، أنا بس حبيت أُذكر حضراتكم عشان اللي بيقوله دلوقتي».