الارهاب لا دين له
للحرية ... طريق
بعد إعلان الزيادة .. ننشر أسعار شرائح الكهرباء الجديدة            مضاعفة غرامات سرقات الكهرباء بعد تطبيق الزيادة الجديدة فى يوليو المقبل            معهد الفلك يعلن: رمضان 29 يومًا هذا العام.. وزيادة ساعات الصيام تدريجيًا            المرور: كاميرات مراقبة لرصد المخالفات وإرسالها للسائقين على الهاتف المحمول            
اﻷكثر تصفحـــــاً

Instagram
SMS
سيد علي لوزير الداخلية: «مابقناش بنخاف.. وإنت اتعلم عليك»
جريدة ميدان التحرير - وكالات* - 27 إبريل 2016 الساعة 9:21 مساءً
هاجم الإعلامي سيد علي، اليوم الأربعاء، وزير الداخلية، اللواء مجدي عبد الغفار، قائلًا «الشارع اللي فيه مصلحة السجون مقفول وممنوع الدخول والخروج، وعربيات السادة الضباط قافلة الطرق، اللي عايز يروح حتة يلاقيها مقفولة، كل قسم شرطة في القاهرة قفلوا الشوارع المحيطة به، ويقولك تأمين، هو ده الأمن بتاعنا».
تابع «علي»، ببرنامج «حضرة المواطن»، عبر فضائية «العاصمة»، «سيدي إذا كنت محتاج دروس في كيفية تأمين منشآتك.. فأنا خايف على منشآتي، سيد الوزير النهاردة الرئيس قالك إن اللي بتعملوه ده قديم أوي، لما حضرتك توقفلي ألف جندي حوالين منشأة.. ما عشان إحنا اللي بندفع، أكل وشرب ومرتبات، إنت يعني بتدفع منين غير مننا».

تابع: «يا سيادة الرئيس السيسي إحنا بنحبك وانتخبناك وبنساعدك وبندعمك، أرجوك دقق النظر جيدًا في الوزراء والمساعدين»، مستكملًا: «على فكرة يا سيادة الوزير إحنا مبقناش بنخاف، الخوف راح من عندنا، كان زمان أي حد فينا بيخاف يتكلم مع مأمور، النهاردة إحنا بنكلم وزير الداخلية وبنقوله إنت اتعلم عليك، وأنا أُحييّ الرئيس على حديثه، وما قاله كل الناس بتتكلم فيه».
استكمل: «فشل وراؤه فشل وراؤه فشل وإحنا قاعدين بندفع الثمن وساكتين، هو وزير الداخلية ليه مش بيتغير؟ راجل محترم وله تاريخ وأصاب وأخطأ، لكن كفاية كده، والشهداء والمصابين في الداخلية جزمتهم فوق دماغنا، والشرطة هي اللي بتحمينا وناس فوق دماغنا، لكن وزير الداخلية فشل كثيرًا وفي كل مشكلة حدثت كان الأداء غير جيد».
وكان الرئيس عبد الفتاح السيسي، اعترض على تأمين مقر وزارة الداخلية الجديد بالقاهرة الجديدة، بألف مجند، قائلًا خلال استماعه للشرح التفصيلي لمقر وزارة الداخلية الجديدة، إن «تأمين هذا المبنى بألف مجند، سيكلف الدولة مبالغ مالية ضخمة، وهناك أنظمة حديثة من الممكن الاعتماد عليها في تأمين هذا المبنى مثل الكاميرات وغيرها، الاعتماد على كل هذا العدد في التأمين طريقة قديمة جدًا»، وذلك خلال افتتاحه واللواء عبد الغفار، المقر الجديد لوزارة الداخلية بالقاهرة الجديدة.